ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អាកាសធាតុនៅសិង្ហបុរីឡើងដល់ ៣៧អង្សារសេលើកដំបូងបង្អស់ក្នុងរយៈពេល ៤០ឆ្នាំ

  • ចុះផ្សាយថ្ងៃទី១៣ ខែឧសភា ឆ្នាំ២០២៣ ម៉ោង ១៨:៥៥ នាទី ដោយ Mesa
  • 2604
  Aa |   aA

សិង្ហបុរី៖ ទីភ្នាក់ងារបរិស្ថានជាតិសិង្ហបុរី (NEA) បានឱ្យដឹងថា សីតុណ្ហភាពនៅសិង្ហបុរីបានហក់ឡើងដល់ ៣៧អង្សារសេនៅថ្ងៃទី១៣ ខែឧសភានេះ​ ដែលជាកំណត់ត្រាខ្ពស់បំផុតក្នុងរយៈពេល ៤០ឆ្នាំចុងក្រោយ។ គួរបញ្ជាក់ថា សីតុណ្ហភាពខ្ពស់ដល់ ៣៧អង្សារសេនេះត្រូវបានស្ទង់នៅឯតំបន់ Ang Mo Kio ស្ថិតនៅភាគឥសាន្តប្រទេសសិង្ហបុរី ជាសីតុណ្ហភាពខ្ពស់ដល់កំណត់ត្រាកាលពីថ្ងៃទី១៧ ខែមេសា ឆ្នាំ១៩៨៣។

មិនត្រឹមតែប៉ុណ្ណោះ នេះក៏ជាសីតុណ្ហភាពខ្ពស់បំផុតប្រចាំថ្ងៃនៅក្នុងខែឧសភា ឆ្នាំ២០២៣នេះ ដែលបំបែកកំណត់ត្រាអាកាសធាតុខ្ពស់បំផុតកាលពីខែឧសភា ឆ្នាំមុនផងដែរ ដែលមានកម្រិតត្រឹម ៣៦,៧អង្សារសេប៉ុណ្ណោះ។ គួរបញ្ជាក់ថា សិង្ហបុរីបានចាប់ផ្តើមកត់ត្រាកំដៅប្រចាំឆ្នាំរបស់ខ្លួនតាំងពីឆ្នាំ១៩២៩មក។ 

តាមរយៈការបង្ហោះសារលើហ្វេសប៊ុកពី NEA បានឱ្យដឹងថា ទីតាំងជាច្រើននៅទូទាំងប្រទេសសិង្ហបុរីបានកត់ត្រាសីតុណ្ហភាពលើសពី ៣៦អង្សាសេនៅថ្ងៃសៅរ៍ចុងសប្តាហ៍នេះ។ NEA ក៏បានបញ្ជាក់ថា សីតុណ្ហភាពនៅចុងសប្តាហ៍នេះទំនងជានឹងមិនធ្លាក់ចុះឡើង ដោយអាកាសធាតុនៅតែបន្តមានភាពសភាពក្ដៅ ហើយស្ងួតដដែល ហើយអាកាសធាតុបែបនេះក៏នឹងបន្តទៅដល់សប្តាហ៍ខាងមុខផងដែរ។ 

គួរបញ្ជាក់ថា កាលពីពីរសប្តាហ៍មុន NEA បានបញ្ជាក់ថា សីតុណ្ហភាពនៅក្នុងប្រទេសសិង្ហបុរីទំនងជានឹងមិនអាចឈានដល់ ៤០អង្សារសេឡើយ ដោយការចេញសេចក្តីថ្លែងការណ៍នេះបានធ្វើឡើងក្នុងគោលបំណងឆ្លើយតបទៅនឹងសេចក្តីរាយការណ៍ព័ត៌មានមួយចំនួនដែលបានព្រមានពលរដ្ឋសិង្ហបុរីអំពីការវាយប្រហារដោយរលកកំដៅដែលនឹងអាចធ្វើឱ្យអាកាសធាតុក្ដៅខ្លាំងក្នុងចន្លោះពី ៤០ ទៅ ៥០អង្សារសេ៕


ព័ត៌មានជាច្រើនទៀតសម្រាប់អ្នក